Bahir kay mulk men jana ya wahan mustaqil tor pe rehais ikhtyar kerna ek mushkil kam samjha jata hai. Is kay liye bohat si cheezon ki tyari kerni parti hai. Planning se le kay wahan jaane tak bohat se steps se guzarna parta hai or agar sahi tareeka ikhtyar na kiya jae to ye khwab adhura reh sakta hai. Is khwab ko pura kerne kay liye 7Sky ap ki rehnumai kay liye mojud hai jo kay ap ko sahi tareeka samjhata hai or ap kay plan ko takmil tak pohnchane men apka sath deta hai.
Dominica ek aisi jagah hai jo kay un logo kay liye bohat acha intekhab hai jo asaan shehri policy kitalash men hen. Ye ek jazeera hai jisko Spanish ne daryaft kiya or French ne hukmrani ki. Takreeban 2 sadiyon kay baad British ne yahan pe ghalba hasil ker liya. 1997 men ye riyasat khudmukhtar ho gait hi lakin abhi bhi yahan per British qanoon raij hai or English ko qomi zuban ka darja hasil hai.
Dominica bohat se dusray mumalik ki trha immigrants kay liye bohat se faiday faraham kerti hai. 7Sky logo ko Dominica ki shehriyat hasil kerne kay liye sarmaya kaari kay zarye investment program ka mashwara deta hai take sab kay liye yahan ki shehriyat hasil kerna asaan ho jae.
Dominica apne khubsurat manazifr ki waja se sayahon kay liye bhi bohat purkashish muqam hai. Khas tor per naye shadi shuda joray jo honeymoon kay liye kisi dilkash or pursakoon jagah per jana chahte hen, un kay lie ye ek bohat zabardast intekhab hai. Ap apni biwi ko mun dikhai men Dominica ka package de kay us ka dil jeet sakte hen or ye yaqeenan us kay lie ek behtreen surprise ho ga. Ap apni biwi kay sath ek yadgaar waqt guzar paaen ge jo kay ap ko ek dusray kay qareeb ker de ga. 7Sky apko behtreen honeymoon package faraham keerta hai or is kay sath sath koi ek khushqismat joraa 6 din ka muft package bhi hasil ker sakta hai.
Dominica ki Shehriyat Hasil Kerne ki Ehliyat kya hai?
Kuch logo ko lagta hai kay Dominica ki shehriyat hasil kerna bolkul asaan si bat hai. Lakin jesa kay aap sarmaya kaari kay zarye shehriyat ikhtyar kerne ja rahe hen to mulk kay kuch qawaneen hen jin kay mutabiq apki ehliyat ko jaancha jaata hai. Is trha se ap wahan ki sheriyat hasil kerne men kamyab ho sakte hen.
Ehliyat kay Eham Points ye Hen:
- Koi mujrimana record na hona
Sab se pehli cheez jo Dominica ki intezamia check kare gi wo ye kay apka koi mujrimana record na ho. Ap ki shafaaf or naik naami ap ko shehriyat hasil kerne men madad kare gi. Is kay ilawa gher qanooni karobar ya sargarmi men mulawis na hona bhi bohat zarori hai.
- Sehatyaabi
Sehatyaabi bhi eke ham point hai Dominica ki shehriyat hasil kerne kay liye. Dominica ki rayasat un logo ko tarjeeh deti hai jo k moozi beemari ka shikar na hon. Maamuli beemari kisi rukawat ka sabab nahi banti ku kay sehat ka shoba kaafi taraki yafta hai. Baaz oqaat apko apni darkhast kay sath ek mukamal medicat history deni parti hai take ap ek positive jawab hasil ker saken.
- Apni sarmayakaari ka maqsad btana
Jesa kay aap sarmaya kaari kay zarye shehriyat hasil kerne ja rahe hen to sab se eham point ye hai kay ap apni sarmaya kaari ka maqsad bayan Karen. Unho ne sarmaya kaari ki 2 iqsaam di hen jin men se ek ka intekhwab ker sakte hen. Ya to ap government funding ki taraf ja skte hen ya phir real estate men invest ker sakte hen. Apni darkhwast kay sath apko apni sarmaya kaari ka maqsad bayan kerna bohat zarori hai. Lakin us se pehle apko in dono programs kay bare men maaloom hona bhi zarori hai.
- Real estate
Real estate men sarmaya kaari ka matlb hai kay aap koi jaidaad khareeden ya phir real estate kay karobar men sarmaya kaari Karen. Is kay liye apko kam se kam $25,000 ki sarmaya kaari kerna pare gi or mazeed $10,000 apne spouse ki taraf se. Is kay ilawa mukhtalif package bhi dastyab hen jesa k 4 afraad ki family kay liye $35,000 ki sarmaya kaari kaafi ho g, 6 afraad kay liye $50,000 ki sarmaya zarori hai jabke 7 afraad kay liye $70,000 ki sarmaya kaari zarori hai.
- Government funding
Sehriyat hasil kerne ka dusra tareeqa government funding hai. Is kay liye apko ek makhsoos raqam Dominica ki government ko jama kerwani ho gi wahan ki taraqi or apki shehriyat kay liye. Ye raqam naqabil e wapsi ho g.
Sarmaya Kaari Kay lie Maalyat ka Hona
Sarmaya kaari kay liye maalyat ka hona bhi bohat eham hai. Dominica ki sheriyat hasil kerne kay liye ap kay pas munasib raqam ka hona sab se zarori hai. Ek achi raqam ka hona apki darkhwast kay manzoor hone men apki madad kare ga. Wahan ki intezamiya ye jaanna chahti hai kay aap kay pas kitna sarmaya hai or apki maali hesiyat kya hai.
7Sky ki rehnumai kay zarye Dominica ki shehriyat hasil kerna koi mushkil kaam nahi hai. Us kay qawaneen ka ehal hona or sarmaya mojud hona zarori hai or ap 7Sky kay zarye darkhwast bhej kay ek behtereen shehriyat ka faida utha sakte hen. Dominica ka passport hasil ker kay aap Europe or America ki kuch rayaston men visa on arrival ki azaadi hasil ker sakte hen.